ගමේ වෙල් යායක නියරක් මතින් මේ රොකට්ටුව ඉහළ නගින්නේ ඇපලෝ,වොයෙජර් යානාවල ගමන සිහිපත් කරමිනි.සඳට යාමට තවමත් තිවංකගේ රොකට්ටුව දියුණු මට්ටමේ නැත.කුරුණෑගල මාවතගම පදිංචි තිවංක නෙරංජන් වයඹ රාජකීය විදුහලෙන් ශිල්ප හදාරා මේ වනවිට මොරටුව ජර්මානු කාර්මික අභ්‍යාස ආයතනයේ බල විදුලි ඉංජිනේරු අංශයේ අධ්‍යාපනය ලබයි.9 ශ්‍රේණියේ සිට රොකට්ටු සැලසුම් කළ මොහු Sky Touch-01 Rocket, Air Touch-03 Rocket,Air Touch-02 Rocket නිර්මාණය කළේය.මෙසේ වසර ගණනක පර්යේෂණ ප්‍රතිඵල ලෙස Hathor Aerospace -Sky Touch 01 යන මේ රොකට්ටුව නිපදවුණි.2007දී ඉන්දීය ජාත්‍යන්තර නව නිපැයුම් ප්‍රදර්ශනයට මව්බිම නියෝජනය කිරීමට ඔහු ඉදිරිපත් කළ විදුලි පෑස්සුම් උපකරණය,ශ්‍රී ලංකාවේ හොඳම නිපැයුම්කරුවාගේ නිර්මාණය ලෙස ජාත්‍යන්තරයේ පැසසුමට පවා ලක්විය.