Infra-Red Camera of Dr.Sarath Gunapala

අාචාර්ය සරත් ගුණපාල මහතා විසින් නිපදවනු ලැබූ අධෝරක්ත කිරණ කැමරාව 1994 වසරේදී නාසා ආයතනය විසින් අඟහරු ග්‍රහයා වෙත යැවූ ෆාත්ෆයින්ඩර් යානයේ සවි කර තිබුණි.‍එමෙන්ම 2012 වසරේදී නාසා ආයතනය විසින් අඟහරු මත ගොඩ බස්වනු ලැබූ කියුරියෝසිටි රොබෝ යානයේ සවි කරන ලද සෑම් නම් උපකරණයේ ඇති ලේසර් නිර්මාණය කර ඇත්තේද ඒ මහතාගේ නායකත්වයෙන් යුත් කණ්ඩායමක් විසිනි.
වැඩිදුර විස්තර  https://srilankanastronomy.blogspot.com/p/dr-sarath-gunapala.html මගින්!

ගමේ වෙල් යායක නියරක් මතින් මේ රොකට්ටුව ඉහළ නගින්නේ ඇපලෝ,වොයෙජර් යානාවල ගමන සිහිපත් කරමිනි.සඳට යාමට තවමත් තිවංකගේ රොකට්ටුව දියුණු මට්ටමේ නැත.කුරුණෑගල මාවතගම පදිංචි තිවංක නෙරංජන් වයඹ රාජකීය විදුහලෙන් ශිල්ප හදාරා මේ වනවිට මොරටුව ජර්මානු කාර්මික අභ්‍යාස ආයතනයේ බල විදුලි ඉංජිනේරු අංශයේ අධ්‍යාපනය ලබයි.9 ශ්‍රේණියේ සිට රොකට්ටු සැලසුම් කළ මොහු Sky Touch-01 Rocket, Air Touch-03 Rocket,Air Touch-02 Rocket නිර්මාණය කළේය.මෙසේ වසර ගණනක පර්යේෂණ ප්‍රතිඵල ලෙස Hathor Aerospace -Sky Touch 01 යන මේ රොකට්ටුව නිපදවුණි.2007දී ඉන්දීය ජාත්‍යන්තර නව නිපැයුම් ප්‍රදර්ශනයට මව්බිම නියෝජනය කිරීමට ඔහු ඉදිරිපත් කළ විදුලි පෑස්සුම් උපකරණය,ශ්‍රී ලංකාවේ හොඳම නිපැයුම්කරුවාගේ නිර්මාණය ලෙස ජාත්‍යන්තරයේ පැසසුමට පවා ලක්විය.

Correcting National flower of Sri Lanka

රටක ජාතික පුෂ්පය එරටට ආවේණික හෝ දේශීය ශාකයක් වීම අත්‍යවශ්‍ය තත්ත්වයක් වුවද නිවැරැදි මල වෙනුවට බොහෝ ප්‍රකාශනවල වූයේ විදේශයකින් මෙරටට හඳුන්වා දුන් පුෂ්පයකි.ශ්‍රී ලංකාවේ සැබෑ ජාතික පුෂ්පය ඉතා සියුමැලි අතර ළා නිල් දම් පැහැති වේ.කුඩා පෙති 9 - 23 අතර ගණනක් ඇත.පෙත්තක ලන්සාකාර ඉලිප්සාකාර හැඩයක් පවතින අතර රේණු ප්‍රමාණය 8 - 40ක් පමණ වේ.2015 මාර්තු 31 දින පරිසර අමාත්‍යාංශයේ ජෛව විවිධත්ව ලේකම් කාර්යාලය සකස් කළ කැබිනට් පත්‍රිකාව අනුව අප රටේ ජාතික පුෂ්පය :
සිංහල නම: මානෙල්
විද්‍යාත්මක නාමකරණය: Nymphaea nouchali Burn.f.
දෙමළ නම: නීලොත්පලම්
ඉංග්‍රීසි නම: Blue Water Lily
ඉංග්‍රීසියෙන් Blue Water Lily ලෙස හැඳින්වුවද සිංහලෙන් නිල් මානෙල් ලෙස හඳුන්වා නොමැත්තේ මානෙල් යන පදය සෑදෙන්නේ මහ+නිල් යන දෙපදය සංයෝජනයෙන් බව භාෂා වියතුන් පෙන්වා දී ඇති බැවිනි.(මෙහි මහ යන්නෙහි අරුත උතුම් යන්න වේ).